Тоқаев: Жер шетелдіктерге сатылмайды
Мемлекет басшысы Қасым-Жомарт Тоқаев жер шетелдіктерге сатылмайытынын кесіп айтты, деп хабарлайды Stan.kz ақпарат агенттігі.
"2021 жылы Жер кодексінің жекелеген нормаларына жарияланған мораторий аяқталады. Осыған байланысты бұл мәселе жөнінде түпкілікті шешім қабылдауымыз керек. Негізгі мәселені айқындап алдық. Жер шетелдіктерге сатылмайды. Бұл мәселеге енді оралмаймыз", - деді Тоқаев.
Бұған қоса ол игерілмеген жердің барлығы мемлекетке өтетінін мәлім етті.
"Игерілмеген және тиімсіз игерілген жерлерді анықтап, оны алып қою мақсатымен ғарыштан мониторинг жасауды заңнамалық тұрғыдан бекіттік. Түгендеу барысында анықталған 12,8 млн гектар игерілмеген жердің 7 млн гектары мемлекетке қайтарылды. Жерді алдың ба, оны игеру керек", - деп қосты ол.
