"Ақмешіт – адалдық алаңы" кеңсесі ашылды
Кент орталығында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасы негізінде аудан әкімдігінің қолдауымен "Ақмешіт – адалдық алаңы" жобалық кеңсесі ашылды.Аталған орталықта тұрмыстық сыбайлас жемқорлықтың алдын алу бойынша аудан көлемінде өткізілетін іс-шаралар жоспары бекітілген. Бүгінде жемқорлыққа қарсы бағытталған сауалнама алу секілді түрлі форматтағы шараларды жүргізіп келеді.
Жақында кеңсенің жұмысымен танысу мақсатында аудан әкімі Мұса Қалдарбеков арнайы барды. Аудан басшысы кеңсенің басты мақсатымен танысып, алдағы уақытта атқарылатын жұмыстарына сәттілік тіледі.
Негізінен, "Ақмешіт – адалдық алаңы" жобалық кеңсесінің мақсаты сыбайлас жемқорлық деңгейін төмендету, жемқорлыққа қарсы төзбеушілікті қалыптастыру және мемлекеттік билік институттарына азаматтардың сенімін арттыру болып табылады.
"Қт" ақпарат
