Теңдік сақталмаса, тәртіп бұзылады
ЖОСАЛЫ, 15 маусым – qarmaqshy-tany.kz Қоғамда өзін өзгеден биік не төмен сезінетіндер бар. Дегенмен, жер бетіндегі барлық адамдар бірдей екені сөзсіз. Адамдардың бірі – материалдық жағынан бай болса, енді бірі – рухани тұрғыдан озық. Сол себептен ешкімге қызғана не менсінбей қарауға болмайды.
Күнделікті өмірде біреудің жұмысын бағаламайтын, оның істеген ісін мойындағысы келмейтіндер бар. Қарапайым көшеге қоқыс тастау ол жерді тазалайтын адамның еңбегін бағаламау болып саналады. Жұмыс барысында өз қарамағында істейтін қызметкерге шектен тыс бұйрық беріп жататын басшылар да кездеседі. Ол адами тұрғыдан жеке бас құқығын таптау, сондай-ақ заңбұзушылық әрекетке есептеледі.
Қоғамда әлеуметтік теңдік болса, тәртіп сақталады. Теңсіздіктен туындайтын дүниенің әсерінен қылмыстық жағдайлар жиі орын алуда. Осының бәрінің алдын алу үшін барлық адам заң алдында тең екенін есте сақтауы қажет.
Телжан ӘМІР,
аудандық соттың бас маманы
