Елбасы Назарбаев Университетін 10 жылдығымен құттықтады
Қазақстанның Тұңғыш Президенті, Елбасы Назарбаев Университетінің 10 жылдық мерейтойына орай түлектер мен профессорлық-оқытушылар құрамын құттықтады, - деп хабарлайды Tengrinews.kz. Видеоқұттықтауды Елбасының баспасөз хатшысы Айдос Үкібай Twitter-де жариялады.
"Құрметті оқытушылар мен студенттер! Баршаңызға мәлім, 2010 жылы елімізде жаңа университеттің негізі қаланды. Мен осындай университеттің болғанын қаладым, тәуелсіз елімізде, жаңа елордада, жаңа маман дайындайтын, жастарды ғылымға баулитын университет керек болды. Бар жоғы 10 жылдың ішінде біздең негізгі мақсаттарымыз орындалды. Назарбаев Университеті инновациялық кластер ретінде толық қалыптасып отыр. Бүгінде оқу орны білім және инновацияны біріктіріп, халықаралық мойындауға ие болған зерттеу орталығына айналды", - дейді Нұрсұлтан Назарбаев.
