«Бастау Бизнес»: Тегін курстар басталады
ЖОСАЛЫ, 3 маусым – qarmaqshy-tany.kz «Бастау» жобасы бойынша оқыту онлайн жүргізілетін болды 2020 жылдың 10 маусымнан бастап «Бастау Бизнес» жобасы аясында кәсіпкерлік жүргізу негіздеріне арналған оқытудың тегін курстары басталатын болады, деп жазады Төребай би парақшасы.
Биылғы жылы қабылданған карантиндік шараларды ескере отырып, "Atameken Academy" онлайн платформасы арқылы қашықтықтан онлайн-оқыту қарастырылған. Оқу мерзімі 21 күннен аспайды. Бағдарлама қатысушыларына сертификат беріледі. Онлайн-оқыту үшін қатысушылар жеке басын куәландыратын құжаттың көшірмесін қоса бере отырып, оқудан өту туралы өтінішпен "Халықты жұмыспен қамту орталығына" тізілу қажет. Орталықтар үміткердің мәртебесін жобаның нысаналы тобына сәйкестігі расталған жағдайда оқуға жолдама береді.Сіз оқып сертификат алған жағдайда мемлекеттік бағдарламалармен төменгі пайызбен несие ала аласыз. Сонымен қатар мемлекттік гранттарға (қайтарымсыз ақша) қатыса аласыз. Сертификат мерзімі 2 жылға жарамды.
