Қызылордада коронавирус жұқтырғандар саны 380-ге жетті
Қызылорда облысында коронавирус инфекциясын жұқтырғандар саны 380-ге жетті. Ал сауығып шыққандар саны – 233. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді, деп жазады kyzylorda-news.kz.

Сондай-ақ, індет жұқтырғандармен байланыста болған- 4708 азамат анықталды. Оның ішінде, 2627-і тікелей қарым-қатынаста, 2081-і ықтимал қарым-қатынаста болған. Бұдан бөлек, инфекциялық стационарда 147 адам ем алуда. Оның 31-і провизорлық стационарда, ал 296 азамат карантиндік бақылауда. Барлығы - 474.