1 маусымынан бастап Республика бойынша 54 жолаушылар пойызы іске қосылса, оның ішінде облыс орталығынан жүретін 5 жұп: №21/22 "Семей - (Алматы) - Қызылорда - Семей", №55/56 "Көкшетау- Қызылорда - Көкшетау", №75/76 "Петропавл - Қызылорда - Петропавл", №117/118 "Қызылорда - (Жезқазған) - Нұр- Сұлтан1 - Қызылорда" және №6843/6844 "Қызылорда-Бесарық-Түркістан" пойыздары жүре бастайды. 

Барлық жолаушылар тасымалы санитарлық-дезинфекциялық талаптардың қатаң сақталуымен орындалатын болады.

Бұл ретте, жолаушылар сапарға шығу үшін термометриялық процедурасынан өтеді. Темір жол вокзалына және Әуежай ғимаратына тек жолаушылар ғана жіберіледі.

Сондай-ақ, жолаушылар отырғызу/түсіру кезінде қауіпсіз әлеуметтік ара-қашықтықтың сақталуы қажет (1,5-2 метр). 

Жолға шығарда жолаушының міндетті түрде өзімен бірге жеке қорғаныс құралдары (бетперде, санитайзер) болуы тиіс.