Президент Тоқаев 67 жасқа толды
Қазақстан Президенті Қасым-Жомарт Тоқаев 67 жасқа толды, деп хабарлайды Tengrinews.kz.
Мемлекет басшысы бүгін туған күнін атап өтіп жатыр.
Осыған дейін Президенттің баспасөз хатшысы Қасым-Жомарт Тоқаев туған күнін қалай атап өтетінін айтқан.
"Аталған датаға орай ешқандай шара өтпейді. Тіпті, Президент әкімшілігінің қызметкерлеріне туған күнімен құттықтамау, естелік сыйлықтар тарту етпеу туралы ескерту жасалды. Президент бұл күнді тойлағанды ұнатпайды. Өйткені ол кісінің отбасында балалардың да, ересектердің де туған күні тойланбайды екен. Ондай дәстүр қалыптаспаған", - деп жазды Берік Уәли Facebook желісіндегі парақшасында.
Айта кетейік, Қасым-Жомарт Тоқаев 1953 жылдың 17 мамырында Алматы қаласында дүниеге келген.
