Аудандық әйелдер кеңесінің төрайымы сайланды

ЖОСАЛЫ, 17 сәуір – qarmaqshy-tany.kz Аудандық әйелдер кеңесінің басқарма мүшелерінің жиналысы өтті. Басқарма жиналысында аудандық әйелдер кеңесінің төрайымы болып аудандық мәслихат депутаты Раева Күлжауһар Төлегенқызы сайланды.

Күлжауһар Төлегенқызы Раева – 1957 жылы 20 наурыз күні Қызылорда облысы, Қармақшы ауданында дүниеге келген.
1975-1980 жылдары аралығында Алматы қаласындағы Қазақстан мемлекеттік қыздар педагогтік институтында тарих, қоғамтану, құқық пәндерінің мұғалімі және тәрбие жұмысының ұйымдастырушысы мамандығын бітірген.
1980-2004 жылдары аралғында №105 орта мектебінде тарих пәнінің мұғалімі, мектеп директорының оқу-тәрбие ісі жөніндегі орынбасары, мектеп директоры;
2004-2008 жылдары №27 дарынды балалар мектебінің директоры;
2008 жылдан бастап «Нұр Отан» партиясының Қармақшы аудандық филиалы төрағасының бірінші орынбасары қызметін атқарып, 2017 жылдың мамыр айында зейнет демалысына шыққан.
Қазіргі уақытта аудандық Қоғамдық кеңес төрағасы, аудандық мәслихат депутаты.