Күндізгі рейд жұмыстары жалғасуда
ЖОСАЛЫ, 6сәуір – qarmaqshy-tany.kz Аудандық Жедел штаб мүшелері карантин талаптарына сәйкес аудан елді мекендерінде атқарылып жатырған жұмыстарға зерделеу жүргізді.
Жұртшылықтың бірінші кезекте тұтыну заттары мен азық-түлік дүкендері қалыпты жұмыс жасауда. Оларда санитарлық талаптары сақталып отыр.
Тұтынушылар да өз кезегінде қауіпсіздік шараларын түсіністікпен қабылдап, ұсынымдарды орындап отырғандығы қуантты.
Десе де, сауда орындарына бір мезгілде адамдардың шоғырланып кіруі, өзара арақашықтықты сақтамауы, көпшілік азаматтардың қорғаныш бетпердесіз жүруі әлі де болса бейқамдық көрінісінің аз еместігін көрсетті.
Жергілікті атқарушы органдардың жауапты қызметкерлері тұрғындар арасында түсінік жұмыстарын жүргізуде.
Сонымен бірге, аудан орталығында көшелер мен жаяу жүргіншілер жолдарында, аялдамалар мен басқа да қоғамдық орындарда дезинфекциялық жұмыстар жалғастырылуда.
