2018 жылы WhatsApp кей операциялық жүйелердегі жұмысын тоқтатады
2018 жылдың 1 қаңтарынан бастап WhatsApp мессенджері кей операциялық жүйелерде қолжетімсіз болады. Бұл жайында The Independent басылымы хабарлады.
Мессенджер 2018 жылдың басынан бастап Windows Phone 8.0 (немесе одан да ескі), BlackBerry OS немесе BlackBerry 10 операциялық жүйелеріндегі жұмысын тоқтатады. Ал жыл аяғында Nokia S40 операциялық жүйесіндегі смартфондарда да WhatsApp жұмыс жасамайды. 2020 жылға қарай WhatsApp Android 2.3.7 және одан ескі жүйелермен жұмыс істейтін смартфондарда да қолжетімсіз болады.
Мессенджер аталған жүйелерден кезең-кезеңімен бас тартпақ. Смартфон қолданушыларына Android, iPhone немесе Windows Phone-ның жаңа нұсқаларына көшуге кеңес береді.
Басылым таратқан ақпарат бойынша жоғарыда аталған операциялық жүйелер WhatsApp мессенджерінің келешектегі барлық функцияларын пайдалануға мүмкіндік бермейді екен.
massaget.kz
