"Фармация" СК Алматы қаласындағы өкілдігінің менеджері Шолпан Ағыбекованың айтуынша, гуманитарлық көмектің жалпы салмағы 500 кг құрайды.

"Қазақстанда жарияланған төтенше жағдайды ескере отырып, Қытай Республикасы бізге гуманитарлық көмек көрсетті: коронавирусты анықтау үшін диагностикалық тесттер, инфрақызыл термометрлер, бір рет қолданылатын қолғаптар, бахилалар, медициналық киімдер, көзілдіріктер және басқа да медициналық қорғаныс құралдары", - деді ол.

Оның сөзінше, оларды елдегі медициналық мекемелердің қажеттілігіне қарай таратады.

ҚР-дағы Қытай бас консулының орынбасары Мяо Хумбо бұл көрсетілетін алғашқы және соңғы көмек емес екенін атап өтті.

Жүк Алматы әуежайында 2 сәуірде қабылданды.