Той жасаған тұрғын заңға сәйкес жауапқа тартылады
Төтенше жағдай кезінде той жасаған тұрғынға әкімшілік хаттама толтырылды. Өз үйінің ауласында адамдардың басын қосып, той жасаған азамат енді заң алдында жауап беретін болады, деп хабарлайды ҚазАқпарат.
Оқиға Түркістан облысында орын алған. Облыстық ПД баспасөз қызметінің мәліметінше, той жасаған тұрғын ҚР Президенті Қасым-Жомарт Тоқаевтың елімізде төтенше жағдай енгізу туралы қаулысын ескермеген. Оның той жасағаны туралы бейнежазба әлеуметтік желілер мен мессенджерлерде тараған. Аталған жайт бойынша Түркістан қалалық полиция басқармасының қызметкерлері шұғыл іздестіру шараларын атқарып, тойдың Түркістан қаласындағы мөлтек аудандардың бірінде өткенін анықтаған.
