Азаматтық іс медиация тәртібімен тоқтатылды
ЖОСАЛЫ, 16 наурыз – qarmaqshy-tany.kz Қармақшы аудандық сотында некені бұзу туралы азаматтық іс қаралып, медиациялық тәртіппен тоқтатылды. Сотта істі қарау барысында тараптар медиативтік келісім жасап, аталған келісімде талап қоюшы некені бұзуға өтініш білдірмей, жауапкермен отбасын сақтап қалуды, ал жауапкер өз кезегінде жұбайына сыйластық танытуға және жауапкершілікпен қарауға, отбасына көңіл аударып, балаларының тәрбиесімен айналысуға міндеттенді. Сотта дауды медиациялық тәртіппен реттеу туралы келісім бекітіліп, іс бойынша өндіріс тоқтатылды.
