Неке бұзу туралы азаматтық іс медиация тәртібімен тоқтатылды
ЖОСАЛЫ, 21 қараша - qarmaqshy-tany.kz Қармақшы аудандық сотында талап қоюшы С. мен жауапкер И-ның неке бұзу туралы азаматтық ісі қаралды.
Талапкер С., өз талап арызында, жауапкер И.-мен заңды некеде тұрғанын, жауапкермен мінездері жараспағандықтан, отбасын сақтауға мүмкіншілік жоқ екенін көрсеткен.
Сотта, тараптар кәсіби емес медиатордың қатысуымен дауды медиация тәртібімен реттеу туралы келісім бекітіп, соттан азаматтық істі өндірістен тоқтатуды сұраған.
Сот медиация тәртібіндегі келісімді бекітіп, азаматтық іс өндірісі тоқтатылды.
Ұйғарым заңды күшіне енген.
Қармақшы аудандық сотының баспасөз қызметі
