Облыстық кезеңге жолдама алды
ЖОСАЛЫ, 5 наурыз – qarmaqshy-tany.kz «Дарын» облыстық қосымша білім беру орталығының ұйымдастыруымен Қызылорда қаласы, үш тілде оқытатын мамандандырылған сыныптары бар дарынды балаларға арналған «Мұрагер» мектебінде «Шеберлер қаласы: ата-бабамыздың мұрасын сақтаймыз және дамытамыз» өлкетану сәндік-қолданбалы шығармашылық республикалық көрмесінің облыстық кезеңіне Қармақшы ауданынан 6 номинация бойынша оқушылар қатысып, барлығы жүлделі орындар иеленді.
Нәтижесінде байқаудың республикалық кезеңіне І орын иегерлері №277 мектеп-лицейінің оқушылары Утешова Гульдана, Тұрмағамбетова Аяжан, Садыкова Элянора, (жетекшісі Домбаева Ұлбосын), №279 мектеп оқушысы Дарбаева Нурия (жетекшісі Мылтыкбаева Нургул) жолдама алса, №277 мектеп-лицейінің оқушысы Тулегенова Арайлым мен №105 мектеп-лицейінің оқушысы Сейілханқызы Ғазизалар ІІ орынды иеленіп, марапатталды.
