Қызылорда облысының білім басқармасының «Дарын» облыстық қосымша білім беру орталығының ұйымдастыруымен 2019 жылдың 10 қаңтарында Қызылорда қаласы, №9 және №10 дарынды балаларға арналған «Білім-инновация» лицей-интернаты базасында 1-7 сынып оқушыларының зерттеу жұмыстары мен шығармашылық жобаларының республикалық «Зерде» конкурсының облыстық кезеңі өткізілді. Республикалық конкурстың облыстық кезеңіне 139 жобамен 162 оқушы қатысты. Облыстық кезеңнің қорытындысы бойынша, зерттеу жұмысының өзектілігімен дараланып, үздік шыға білген 17 жобамен 18 оқушыға конкурстың қорытынды кезеңіне жолдама берілді. Соның ішінде 277 орта мектеп оқушысы Жубатканов Айдын І дәрежелі дипломмен марапатталды. Жетекшісі орыс тілі мен əдебиеті пəн мұғалімі Жубатканова Райкул. Ізденімпаз оқушыға дара жолды нұсқар ұстазымыздың еңбегіне табыс тілейміз.