Асық атып жарысты
ЖОСАЛЫ, 17 ақпан – qarmaqshy-tany.kz Қазақ халқының ұлттық ойындарының көбі табиғи заттармен ойнауға негізделген. Шаруашылығы мал шаруашылығына негізделгендіктен қазақ халқының ұлттық ойындары да осыған икемделген. Әсіресе, қойды көп өсіргендіктен, балалар ойынының көбі қой асығымен байланысты болып келеді. Сондықтан асық ойындары ұлт ойындарының ішіндегі арыдан келе жатқан көнелерінің бірі болып табылады. Асық ойыны баланың жастайынан жүйке жүйелерін шыңдап, оларды дәлдікке, ептілікке, ұстамдылыққа тәрбиелейді.
Осы асыл қасиеттерді бала бойына сіңіру мақсатында аудандық білім бөлімінің ұйымдастыруымен өткен аудандық асық ату сайысынан Иіркөл ауылындағы N106 орта мектебінің 9-сынып оқушылары жүлделі 1 орын иемденіп облыстық кезеңге жолдама алды.
