ЖОСАЛЫ, 13 қаңтар – qarmaqshy-tany.kz Аудандық білім бөлімі тарапынан ұйымдастырылған Республикалық "Жарқын болашақ" тақырыбындағы 7-11 сыныптар арасындағы байқаудан Жанқожа батыр атындағы №269 орта мектебінің білімді, алғыр, сауатты, тәрбиелі оқушылары қатысып бақ сынады.
Байқауға қатысудың өзі бір ерлік. Оқушылардың барлығы білімді. Әрине байқауда бағы жанған оқушылар жүзден жүйрік шықты. Талаптарыңа нұр жаусын, болашақта үлкен елдің азаматы болуларыңа тілектеспіз. Атап айтар болсақ "Сөз шебері" номинациясы бойынша 8 "а" сынып оқушысы Болатбекова Бота жүлделі ІІ орынды иеленді. Жетекшісі қазақ тілі мен әдебиеті пәнінің мұғалімі Г. Тлеуова. Жеңістеріңіз құтты болсын. Еңбектеріңізге табыс, шығармашылық тілейміз. Сіздерден болашақта үлкен белестерді бағындыратындарыңызға сенім білдіреміз.