Ұшақ апаты: Әуе кемесіне зымыранның тигені видеоға түсіп қалған

Бейнежазбада әуе ұшып бара жатқан ұшаққа жарқылдаған сәуленің тигені байқалады. Артынша кішкене ғана өз қалпын сақтаған әуе кемесінің жерге құлап, артынша жарылған дауысы естіледі.

Бұл видеоның шынайылығын АҚШ-тың беделді басылымы The New York Times растап отыр. Журналисттердің пікірінше, расымен де украиндық Boeing ұшағына зымыран тиіпті. 

Оған қоса басылым зымыран тигеннен кейін борттың кері айналмақшы болғанын қосыпты.

Естеріңізге салайық, бұған дейін АҚШ пен Канада мемлекеттерінің Иранды ұшаққа қарсы зымыран атқан деп айыптағаны айтылған еді. Өз кезегінде украиналық сарапшылар ұшақтың құлауына борттың ішінде болған терроистік әрекет, қозғалтқыштың отқа орануы және зымыранның тиюі әсер етуі мүмкін деп айтыпты.