Пән олимпиадасында жеңіске жетті
ЖОСАЛЫ, 8 қаңтар – qarmaqshy-tany.kz Қармақшы ауданы, Төретам кенті √85 орта мектептің ұжымы үшін 2020 жылдың бастауы жақсы жаңалықпен басталды.
5-6 қаңтар Республикалық олимпиаданың облыстық кезеңінде біздің мектебіміздің 11 "А" сынып оқушысы Нағашыбай Назым құқық пәнінен олимпиададан 3 орынды иеленді.
Пән мұғалімі - І санатты, білікті де білімді ұстаз,талай шәкірттердің білім саласында биіктен көрінуіне үлесін қосып жүрген Серікбаева Жанар Үргенішбайқызы.
Қармақшы ауданы облыс көлемінде 16 жүлделі орындарды қанжығасына байлап, биылғы жылдың алғашқы жеңістерін қоржынға салды. "||| дәрежелі үздік олимпиадалық командасы-2020" граматосымен марапатталды.Жеңіске жеткен зерделі де білімді оқушысы мен мұғалімін шын жүректен құттықтаймыз. Алар асуларыңыз биік болсын деген тілек білдіреміз.
