Облыстық сайыс өтті
Облыстық Қазақстан халқы ассамблеясының ұйымдастыруымен "Қайырымдылық керуені" жобасы аясында жастар арасында кроссфиттен сайыс өткізілді.
Сайысқа түрлі этнос өкілдерінен барлығы 20 қатысушы тіркеліп, физикалық тұрғыда шыдамдылыққа сайысты. Жылдамдық пен қажыр-қайратты талап ететін кроссфит сайысы жыл сайын жастар арасында кеңінен таралып келеді. Кроссфитке физикалық күш пен жылдамдықтан бөлек есте сақтау қабілетінің ұшқырлығы да қажет, себебі, әр жаттығуды орындау саны әртүрлі және тиісті жаттығуды тиісті рет қайталап орындау қажет.
Тартысты өткен сайыста І орынды Сәрсенбек Ернат, ІІ орынды Осаман Саят, ІІІ орынды Асанов Дәулетияр мен Жеңісбек Бақдәулет жеңіп алды. Қатысушылар сайыс соңында ұйымдастырушыларға алғысын білдіріп, осы сынды шараларды алдағы уақытта да ұйымдастыру туралы ұсынысын білдірді.
