Танымал тележүргізуші басылымға оң бағасын берді

ЖОСАЛЫ, 22 қараша - qarmaqshy-tany.kz Кеше облыстық "Бастау" бизнес орталығында экрандағы екіпіні де, еркелігі де елге таныс Жайна Сламбектің семинар-тренингі өтті. «Астана» телеарнасында «Біздің уақыт» бағдарламасын тізгіндеп, көрерменге құнды дүниелер көрсеткен журналист бүгінде «QAZAQSTAN» ұлттық телеарнасында «Apta» ақпараттық-сараптамалық бағдарламасын жүргізеді.

Семинар біткен соң өзінің туған жері, қасиетті Қармақшы өңірінің журналистерімен ашық әңгіме өрбітті. Онда аудандық "Қармақшы таңы" газетін қолына алып, оң бағасын берді.

- Бұрын бұл басылым шағын болатын. Қандай керемет, дизайны өзгерген, көлемі үлкейген. Мақтанамын, - деді Жайна Сламбек басылым тілшілеріне сәттілік жолдай.