Аудан әкімі тұрғындарды қабылдауда
ЖОСАЛЫ, 21 қараша - qarmaqshy-tany.kz Аудан әкімі Мұса Оспанұлы Қалдарбеков 21 қараша күні «Бірыңғай (Ұлттық) азаматтарды қабылдау күні» жалпы республикалық іс-шарасы аясында жеке және заңды тұлғалардың өкілдеріне жеке сұрақтары бойынша қабылдау өткізуде.
Қабылдау аудан әкімі аппаратының ғимаратында өткізіліп, өтініш білдірушілердің сұрақтарына мемлекеттік органдардың басшылары да жауап беруде. Қабылдауға қатысушы тұлғалар медицина саласы, атаулы әлеуметтік көмек және жер мәселелері бойынша сұрақ қойып, жауап алуда.
Айта кетерлігі қабылдау сағат 19:00 дейін жалғасып, тұрғындардың өтініштері қаралатын болады. Тиісінше кент, ауылдық округі әкімдері жеке және заңды тұлғалардың өкілдеріне жеке сұрақтары бойынша қабылдауды кент, ауылдық округі әкімі аппаратының ғимараттарында өткізеді.
«ҚТ» ақпарат
