Алдағы күндері қар жауып, боран соғады

qarmaqshy-tany.kz 17-19 қазанға арналған ауа райы болжамы бойынша қар жауып, қатты жел соғып, боран болады. Бұл жайында Қазгидромет хабарлады.
"Атмосфералық процестердің тез ауысуы ауа райының қолайсыздығын тудырады. Алдағы үш тәулікте Қазақстан территориясы бойынша үлкен жылдамдықпен суық атмосфералық фронттар жылжиды, алайда оның артынан антициклон келеді, бірақ оны 19 қазанда кезекті циклон және арктикалық фронттар ығыстырады" дейді синоптиктер.
Біршама облыста күн бұлттанып, жаңбыр, қар жауады. Солтүстік облыстарда көктайғақ, солтүстік-батыстан қатты жел тұрып, боран соғуы ықтимал.