Арыста әскери қызметкер қаза тапты

Жұма, 11 қазанда Түркістан облысы Арыс қаласынан 60 шақырым жерде орналасқан полигонда әскери қызметкер қаза тапты деп хабарлады Azattyq радиосы
Министрліктің айтуынша, арнайы жабдықталған полигон аумағында жиналған оқ-дәрі бөлшектерін жою кезінде "оқ-дәрі фрагменті" жарылып, соның салдарынан топ жетекшісі, әскери бөлімнің инженерлік қызметінің бастығы, майор А. С. Ақышев қаза тапты.
Ведомство оқиғаның жай-жапсары анықталып жатқанын, полигонда тергеу тобы жұмыс істеп жатқанын хабарлады. Олардың сөзіне қарағанда жақын маңдағы елді мекен тұрғындарына қауіп жоқ