«Бизнестің жол картасы - 2020» Республикалық акциясы
«Nur Otan» партиясы Қармақшы аудандық филиалының ұйымдастыруымен Қызылорда облысы кәсіпкерлер палатасы, Қармақшы аудандық филиалында «Бизнестің жол картасы - 2020» бағдарламасы бойынша мемлекеттік қолдауды алу мәселелері бойынша азаматтарды бірыңғай қабылдау күні» Республикалық акциясы болып өтті.
Акцияның мақсаты ««Бизнестің жол картасы - 2020» мемлекеттік бағдарламасын іске асыруды қамтамасыз ететін мемлекеттік органдар мен даму институттарының азаматтарға, шағын және орта бизнес өкілдеріне диалог алаңын ұсыну. Акцияға «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық мәслихат депутаты Раева Күлжауһар Төлегенқызы, Қызылорда облысы кәсіпкерлер палатасы, Қармақшы аудандық филиалының кәсіпкерлерге қызмет көрсету бойынша менеджер кеңесшілері Аяпов Қуаныш Опабекұлы, Қанатов Мұрат Көбелбайұлы, аудандық кәсіпкерлік, өнеркәсіп және туризм бөлімінің инспекторы Бодықов Нұржан Жайсанұлы, кент тұрғындары және БАҚ өкілдері қатысты. Акция барысында «Бизнестің жол картасы - 2020» бағдарламасы бойынша мемлекеттік қолдауды алу мәселелері бойынша азаматтарды қабылдап, түсіндірме жұмыстарын жүргізіп, тиісті кеңестер берілді.
