Демалыс күндері елімізде нағыз күзгі ауа райы болады деп күтілуде
7-9 қыркүйек аралығында Қазақстанда нағыз күздегідей ауа райы болжануда деп хабарлайды "Қазгидромет" РМК сілтеме жасаған KAZ.NUR.KZ.
Синоптиктер алдағы үш күнгі ауа райына болжам жасады.Метеорологтар Қазақстанның солтүстік облыстарында жаңбыр жаууы жиілейді, тіпті нөсер болатынын айтуда. Бұл аудандардағы температура 10-20 градус жылы болады.
Еліміздің оңтүстік бөлігінде де жауын жауады. Мұнда сынап бағанасы 18-25 градусты көрсетеді.
Синоптиктердің айтуынша, мұндай температура климаттық нормадан 3-5 градусқа төмен.
Батыс өңірінің тұрғындары жылы әрі құрғақ ауа райын күте берсе болады. Мұнда жауын-шашын болмайды, температура өз нормасында көтеріледі.
