Компьютер адамды уақытша саңырау қылады
Компьютер қолданып отырған достарың айтқан сөзіңе мойын бұрып қарамақ түгілі, мән бермейтінін де талай рет байқаған боларсың. Шын мәнінде, бұл да аурудың бір түрі екен. Ғаламтор желісінде өзге біреумен сөйлесіп отырған адам жанындағы серігінің айтқан сөзіне мән бере қарамайтыны рас. Кейде бірнеше минуттан кейін барып жауап беріп жатады. Жақында Калифорния университетінің ғалымдары осыған байланысты зерттеу жүргізіп, қорытындысын шығарды. Нәтижесінде мұны компьютер әсерінен болатын «уақытша саңырау» ауруы деп атаған.
Еріктілерге зерттеу жүргізген ғалымдар компьютерге назар салған адамның миы айналасындағы дыбыстарды көп қабылдамайтынын анықтаған. Яғни, мұндай сәтте адам миының дыбыс қабылдау бөлігі нашар жұмыс істейтін болып шыққан. Соның салдарынан адам уақытша саңырау болады екен. Зерттеудің толық қорытындысы танымал «Neuroscience» журналында жарияланбақ. Қызықты мақалалар:
