Жұртты шошытқан адам бейнесінің тарихы

Ертеректе Эдвард Moрдрейк есімді жігіт өте сирек кездесетін аурумен ауырған. 19 ғасырда өмір сүрген бұл адам Англияның ауқатты отбасынан шыққан. Ол өте көңілді, жайдары мінезінің арқасында айналасының құрметіне бөленген. Алайда, бұл адамда бір кемшілік болды. Ол – оның екі бетінің болуы. Біріншісі кәдімгі адам бейнесі болса, екінші беті өте қорқынышты, жиіркенішті мақұлық іспеттес еді. Тіпті, сұсты, жауыз адамның түрін аңғартатын. Бір қызығы Эдвардтың көңілі түсіп, мұңая қалса екінші беті рахаттанып мәз болады екен. Десе де, ол беті тамақ жемейді және сөйлей алмайды. Тек еріндерін жыбырлатып, сыбырлап, бірдеңе айтумен жүретін болған. Эдвардтың өз сөзіне сенсек, оның екінші жауыз беті, түнімен жамандыққа итеріп, ұйықтатпайтын көрінеді.
Бір күні Эдвард Модрейк дәрігерге хат жазады. Онда "Менің екінші бетімді алып тастамасаңыз өмірім тозаққа айналып бара жатыр. Өтінемін, дәрігер мырза, мені одан кұтқарыңыз!" – делінген. Бірақ, дәрігерлер мұндай операция жасау Эдвардтың өміріне қауіп екенін алға тартып, бас тартқан. Ешкімде кездесе бермейтін бұл азаптан құтылуға асыққан Эдвард 23 жасында у ішіп қайтыс болады. Өмірінің соңында бір жапырақ кағазға «мен өлгеннен кейін екінші бетімді алып тастауларыңызды сұраймын, тым болмаса жер қойнауында тыныштық берсін...»

Ая Алиева