qarmaqshy-tany.kz Варикоз неге жүктілік кезінде қатты мазалайды? Себебі жүкті әйелдің ағзасында үшінші қанайналым жүйесі пайда болады(ана мен бала арасындағы қанайналым). Соның салдарынан қанайналым күшейеді, қан көлемі артады. Бала салмағы бар, өзіңіздің қосқан салмағыңыз бар осының бәрі қантамырларыңызға күш түсіреді. Содан варикоз пайда болады.
⠀
Не істеу керек?
⠀
Хирург(сосудистый) маманына көрінесіз. Емханаңызда болмаса гинеколог жолдамамен басқа емханаға жібереді.
⠀
Көрсеткіш бойынша варикоздың дәрежесіне байланысты аяқтың веналарының УДЗ тексерісінен өтесіз.(венада тромб бар жоқтығын тексеру мақсатында)
⠀
Көрсеткіш бойынша коагулограмма қан анализін тапсырасыз (қанның ұю уақытын анықтау мақсатында)
⠀
Арнайы варикозға арналған чулки, колготки, бинттер болады. Соның біреуін күндіз киесіз, кешкісін жатарда шешесіз.
⠀
Аяққа күш түсетін яғни тұрып жасайтын жұмыстарды азайтасыз
⠀
Кешкісін 15 мин пен 30 мин арасында аяқты жоғары көтеріп жатасыз.
⠀
Биік емес жайлы аяқ киім киіп жүріңіз
⠀
Ескерту. Емді тек дәрігердің кеңесімен тексеруден өткесін ғана орындаңыз. Егер варикоз сыртқы жыныс мүшелерінде де пайда болса, гинеколог оның дәрежесіне қарап сізге өзіңіз босануға болатынын не болмайтынын айтады.