Әжімнің пайда болуына әкелетін 10 әдет

 

Сіз күннің көзін жақсы көрсеңіз де, теріңіз оны ұнатпайды. Күн көзінің белсенді сәулелері терінің ерте қартаюына әкелетіндігін жиі естісе де, әйелдердің көпшілігі SPF-қорғауы бар кремдерді қолдануды қолға алмайды. Мұндай кремдерді тек жағажайға барарда емес, күнделікті далаға шыққанда жағуыңыз керек. SPF-қорғауы бар кремдерді жыл бойына қолдануды әдетке айналдырыңыз. Соның ішінде, жаз мерзімінде теріге ол өте қажет екенін ұмытпаңыз.

Жарнамада көрсететіндей балғын дем алу үшін арасында сағыз шайнауға болады. Бірақ сағыз шайнау әдетіңізге айналса, ол ерте қартаюға әкеледі. Жақтың тоқтаусыз қозғалысы ерін айналасы әжімінің және мұрын-ерін қатпарының пайда болу себебіне айналады.

Тері тазалығына мән беруде тұрған ештеңе жоқ. Алайда жуынуға арналған түрлі скрабтар, пилингтер мен щеткаларды ұнататын әйелдер оларды мөлшерден тыс қолданып кетеді. Мысалы, скрабты аптасына 2 реттен артық қолдануға болмайды. Мұндай құралдарды көп қолдану кезінде тері құрғақ бола бастайды. Ал терінің құрғақтығы әжімдердің пайда болуына әкеледі.

Ұйықтар алдында бет терісін тазартушы құралмен жуып, тоникпен сүрту қалыпты. Бірақ, оны таңертең істеудің не қажеті бар? Тері бұл аралықта ластанып үлгермейді. Сондықтан ұйықтар алдында теріні жақсылап тазартып, таңертең қарапайым бөлме температурасындағы сумен шайыңыз немесе мұзбен уқалаңыз.

Төсек-орын тысын сирек ауыстыруға болады, бірақ жастық тысын жиі ауыстырып, тазартып тұрған жөн. Жастық тысын да бактерия көбірек жиналады, шаш үлгісіне арналған кез келген құрал ұйықтау кезінде жастық тысына түсіп, оның бәрі бет терісіне әсерін береді. Химиялық элементтер ерте қартаюға әкеледі. Сондықтан жастық тысты 3-4 күн сайын ауыстырып, жууды әдетке айналдырыңыз.

Ұйқының қанбауы сіз ойламаған түрлі проблемаларға әкеледі. Солардың бірі – ерте қартаю. Сізге ұйқы жетіспеген кезде ағза қалпына келіп үлгермейді. Бұл тері жазушаларына да қатысты айтылған.

Ұйқымен қатысты ерте қартаюдың тағы бір себебі – дұрыс қалыпта жатпау. Адамдардың көпшілігі бетін жастыққа тақап, ішпен ұйықтағанды ұнатады. Бұл кезде бірнеше сағатқа қалыпты қанайналым бұзылады, ал бет терісі жастыққа басылып қалады. Осыдан кейін әжімдер пайда бола бастайды.

Безеуді сығуға болмайтындығын білсе де, көпшілік оны қайталай береді. Сіз безеуді сығу арқылы жұқпа жұқтырып алу мүмкіндігімен қоса, теріні жарақаттайсыз. Содан кейін сол жерде ұсақ әжім қалу қаупі бар.

Егер үйіңізде ауа өте ыстық және құрғақ болса, оған тері міндетті түрде жауап береді. Ауа ылғалдандырғыш – шынымен де өте маңызды құрал, оның бет терісіне тигізетін пайдасы көп.

Бұл жерде түсіндірудің қажеті жоқ. Темекі тарту мен жастықты ұзарту – бір-бірімен үйлеспейтін ұғымдар.