Мамандар қатерлі ісікті тіл арқылы анықтаудың жолын айтты
Қатерлі ісік белгілерін тілде көрінетін үш белгі арқылы анықтауға болады. Бұл туралы Cancer Research UK медициналық ұйымының мамандары айтты, деп хабарлайды Daily Express газеті.
“Қатерлі ісіктер тілде немесе оның астында дамуы мүмкін. Тіл қатерлі ісігінің негізгі қауіп факторлары темекі шегу, алкоголь ішу және адамның папилломавирусын жұқтыру болып табылады”, - делінген мақалада.
UK Cancer Research қайырымдылық ұйымы тіл қатерлі ісігінің бірнеше белгілерін анықтады.
Біріншіден, мамандардың айтуынша, егер тілде қабыну пайда болса, ол ұзақ уақыт бойы кетпей және қызыл немесе ақ даққа ұқсайтын болса, дәрігермен кеңесу керек.
Сондай-ақ, белгілердің арасында дәрігерлер өздігінен кетпейтін жараны анықтады.
Мамандардың пікірінше, кездейсоқ тістеген кезде тілдің қан кетуі де қатерлі ісік ауруын білдіре алады.
