Хоккейден Қазақстан құрамасы мерзімінен бұрын әлем чемпионы атанды
Хоккейден Қазақстан құрамасы өз айдынында өтіп жатқан әлем чемпионатының бірінші дивизионында мерзімінен бұрын жеңімпаз атанды. Себебі, Нұр-Сұлтандағы «Барыс-Аренада» өткен ойында Оңтүстік Корея құрамасы Сан Хун Синның покерінің арқасында Беларусьтен басым түсті – 4:1.
Төрт ойыннан кейін Қазақстан құрамасының қоржынында 11 ұпай бар. Ал белорустар барлық бес матчта 10 ұпай жинап, екінші орынға тұрақтады. Үшінші орын Оңтүстік Кореяға бұйырса, Словенияда – 6 ұпай, Венгрия мен Литвада үш ұпайдан бар.
