Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) «Жыл боксшысы» номинациясында «Бокс аңызы» деген атақты жеңіп алды. Бұл туралы «Р-Спорт» порталы хабарлайды.

Марапаттау рәсімі Сочиде өтіп жатқан Халықаралық бокс форуы барысында өтті. Отандасымызға сыйлықты WBC презденті Маурисио Сулейман табыстады.

«Жыл адамы» атағын Франко Фальчинелли. Ол бұған дейін Халықаралық әуесқойлар бокс ассоциясының (AIBA) басшысы қызметін атқарды. «Жыл оқиғасы» байқауында Ресей бокс федерациясының 22 шілде күні Мәскеудегі Қызыл алаңда ұйымдастырған «Ресей боксының күні» атты шара жеңіп алды.

«Жыл жекпе-жегі» байқауында Головкин мен мексикалық Сауль «Канело» Альварес (49-1-2, 34 КО) арасындағы кездесу таңдалды.

Техникасы ең мықты боксшы болып Хорхе Линарес (44-3, 27 КО) атанса, WBSS сериясы жылдың «үздік жобасы» атанды. «Аңыз» деген атақ КСРО құрамында екі рет Олимпиаданы жеңген Борис Лагутин алды.

Халықаралық бокс форумы Сочи қаласында 1 және 4 ақпан аралығында өтеді. Бұл жиында бірінші рет кәсіпқой бокстағы ең беделді WBA, WBC, WBO және IBF ұйымдардың басшылары жиналады. Сонымен қатар бұл отырысқа Халықаралық әуесқойлар бокс ассоциясы AIBA) мүшелері қатысады. Головкин кәсіпқой бокстың атынан сөз сөйлейді. Одан бөлек бұл жиынға Бақтияр Артаев және Бақыт Сәрсекбаев секілді Олимпиадада топ жарған қазақ боксшылары шақырту алыпты. Сонымен қатар бұл жиынға танымал промоутер Оскар Де Ла Хойя да келеді деп күтілуде.Бұл жиын барысында сондай-ақ әр ұйымның промоутерлерінің отырысы да болады.

Жиын барысында World Boxing Super Series (WBSS) жобасының жартылай финалдық кездесуі өтеді. Онда ресейлік Мурат Гассиев (25-0, 18 КО) пен кубалық Юниер Дортикос (22-0, 21 КО) кездеседі. «Большой» спорт кешенінде өтетін бұл кездесуде боксшымен IBF және WBA (Regular) белбеулеріне таласады.

Айта кетейік, Гассиев пен Головкин соңғы жылдары Big Bear (Калифорния штаты, АҚШ) лагерінде танымал маман Абель Санчестің қол астында жаттығады.