«Барыс» клубы жартылай финалға шықты

Астанада «Барыс» пен «Торпедо» арасындағы Гагарин кубогы плей-офф сериясының шешуші жетінші матчы өтті, деп хабарлайды Елорда Инфо.

Алаң иелерінен ойынның 1-ші минутында Даррен Диц қарсыластар қақпашысын қапы қалдырды. Алайда, «Торпедо» ойыншысы Антон Волченков таразы басын теңестірді.

«Барыс» екінші кезеңнің ортасында тағы да алға шықты. Кездесудің 32-минутында Мэттью Фрэттин мергендік танытты. Дегенмен «Торпедо» командасы жеңісті қолдан бергісі келмеді. Көп ұзамай таразы басы теңесті. Бұл жолы Дмитрий Сёмин көзге түсті.

Дицтің дублі «Барыс» клубын 3-сиренаға 8 минут қалғанда үшінші рет алға шығуға көмектесті. Нәтижесінде бұл шайба матчтағы және сериядағы шешуші болды. Осылайша «Барыс» командасы 3:2 есебімен жеңді.

«Барыс» Гагарин кубогының плей-офф кезеңіне шықты. Жартылай финалда Омбының «Авангард» командасымен айқасады. «Барыс Аренадағы» матчты он мыңнан астам көрермен тамашалады.