Тоғызқұмалақтан жарыс өтті
Жуырда Төретам кентіндегі №85 орта мектепте Кеңес әскерлерінің Ауғанстан жерінен шығарылғанына 30 жыл толуына орай тоғызқұмалақтан аймақтық дәстүрлі командалық жарыс өтті. Мақсат – тоғызқұмалақ ойынын кеңінен насихаттау, оқушылардың қызығушылығын арттыру.
Жарысқа Төретам, Байқоңыр, Ақай ауылынан он мектеп қатысты. Жарыс айналма жүйеде жүргізілді. I, ІІ, және ІІІ тақта бойынша Айбек Айзақов, Ғибрат Әбжәми мен Мерей Абсаттар І орынды еншілесе, Айбол Оралбекұлы, Альбина Ерболатова мен Назым Абатбекова ІІ орынды қанжығасына байлады. Ал, Диас Насрадинов, Мухамедали Холов пен Ерасыл Бахыт ІІІ орынды місе тұтты. Сондай-ақ, командалар бойынша №85 мектеп I орын, №273 мектеп II орын және № 279 мектеп III орынды иеленіп, диплом-медальдармен, кубокпен марапатталды.
Азиза АБЛАКИМОВА,
№ 85 орта мектептің 10 сынып оқушысы.
