Канело допингпен ұсталды ма
Қазақ елі, сүйінші хабар Генадий белбеулерін қайтарып алады. Себебі, Канело допингпен тағы да екінші мәрте ұсталып қалды. Ресми көрсетілім 20 қыркүйек сағат 20.00-де Qazsport арнасында,- деп кешеден бері WhatsApp желісінде ақпарат тарауда. Әлеуметтік желілер ішінде дұрысы бар, бұрысы да бар.
Бұл жалған ақпарат. WhatsApp желісінде тараған бұл ақпарат жайлы бүгін «Қазақстан» телерадиокорпорациясының төрағасы Ерлан Қарин өзінің facebook желісіндегі парақшасында арнайы мәлімдеме жасады. –Ешқандай да қайта жекпе-жек жуырда болмайды. Кез-келген жекпе жек бірнеше ай бұрын дайындалады, ондай болатын болса міндетті түрде арнайы хабарлаймыз, - деп жазды. Ақпараттың жалған екенін анықтаудың түрлі жолдары бар. Әлеуметтік желілерде кез келген ақпараттарды оқып, оны бөлісуде абай болыңыздар. Жалған ақпарат таралуына жол бермеңіздер.
