ЖАС СПОРТШЫЛАРЫМЫЗ – АЗИЯ ЧЕМПИОНАТЫНЫҢ ЖҮЛДЕГЕРЛЕРІ
Қармақшы ауданының спортшылары халықаралық додаларда ел мерейін үстем етіп, аудан абыройын асқақтатып келеді.
Еске салсақ, 07-15 тамыз аралығында өткен ауыр атлетикадан Азия чемпионатында Қармақшы ауданының жас спортшылары Ерасыл Сәулебеков мен Мұхаммедали Қойшыбек жоғары нәтиже көрсетіп, жүлделі 2 орынға ие болды.
Ерасыл Аянұлы 85 келі салмақта, ал Қойшыбек Мұхаммедали 60 келі салмақта өнер көрсетіп, Азия чемпионатының күміс жүлдесін иеленді.
Бүгін ауданымыздың мерейін үстем еткен жас спортшыларды туған жерге оралған сәтінде арнайы күтіп алып, жерлестеріміз жеңістерімен құттықтауда.
Жас спортшыларымызға алдағы додаларда сәттілік тілеп, биік белестерді бағындыра берулеріне тілекшіміз!
Қармақшы ауданы әкімінің баспасөз қызметі
