«TARTYL FEST» – МЫҚТЫЛАР БӘСЕКЕСІ
Халықаралық жастар күніне орай ауданда жастар арасында спортты насихаттау және салауатты өмір салтын қалыптастыру мақсатында «TARTYL FEST» спорттық шарасы ұйымдастырылды. Аталған ісшараны аудандық дене шынықтыру, спорт және туризм бөлімі мен Жастар ресурстық орталығы бірлесе өткізді.
рттыру, салауатты өмір салтын кеңінен насихаттау және аудан жастарының бос уақытын тиімді ұйымдастыру болды.
«TARTYL FEST» – еліміздің түкпір-түкпірінде жастардың физикалық белсенділігін арттыруға бағытталған спорттық бастама. Бұл іс-шараға ауданның белсенді жастары, спортсүйер қауым және салауатты өмір салтын ұстанатын жастар қатысты. Сайыс барысында қатысушылар турникке тартылу бойынша өз мүмкіндіктерін сынап, шымырлық пен төзімділіктің үлгісін көрсетті.
Жарыс нәтижесінде І орынды Марат Сұлтанов, ІІ орынды Дінмұхаммед Алтай жеңіп алса, ІІІ орынды Қуаныш Тәтімбетов қанжығасына байлады. Жеңімпаздар арнайы диплом және қаржылай сыйлықтармен марапатталды.
Анель БЕКЕЕВА,
Жастар ресурстық орталығының кеңесшісі
