ЖАСТАР КҮНІНДЕ МАРАФОННАН ЖАРЫСТЫ
Халықаралық жастар күніне орай ауданда жастар арасында салауатты өмір салтын насихаттауға бағытталған марафон ұйымдастырылды. Іс-шараны аудандық дене шынықтыру, спорт және туризм бөлімі мен Жастар ресурстық орталығы бірлесіп өткізді.
Жалпы марафон 5 шақырым қашықтықты қамтыды. Жастардың спортқа деген қызығушылығын арттыру, салауатты өмір салтын ұстануға ынталандыру және бұқаралық спортты дамыту мақсатында ұйымдастырылған бұл шараға ауданның белсенді жастары қатысты.
Жарыс қорытындысы бойынша қыздар арасында І орынды Сымбат Мырзашқызы, ІІ орынды Қымбат Мырзашқызы, ІІІ орынды Кәусар Қанатқызы иеленсе, ұлдар арасында І орын Данияр Нұрбайұлына, ІІ орын Мейіржан Қалданұлына, ІІІ орын Бағдат Төребекұлына бұйырды. Жеңімпаздар мен жүлдегерлерге арнайы дипломдар мен қаржылай сыйлықтар табысталды.
Бұл марафон – жастар арасында денсаулықты нығайту мен белсенді өмір салтын қалыптастыру жолындағы маңызды қадамдардың бірі. Көпке пайдасы тиетін мұндай іс-шаралар алдағы уақытта да жалғасын таппақ.
Анель ЕРЛАНҚЫЗЫ,
Жастар ресурстық орталығының кеңес
