Геннадий Головкин Қарағанды облысының «Құрметті азаматы» атанды
Орта салмақта жеңіліп көрмеген қазақстандық кәсіпқой боксшы Геннадий Головкинге Қарағанды облысының «Құрметті азаматы» атағы берілді.
Еліміздің абыройын өсіріп, намыс туын желбіретіп жүрген боксшы куәлігін алуға туған жеріне өзі келді. Былғары қолғап шеберіне куәлік салтанатты жағдайда табыс етілді.
Естеріңізге сала кетсек, Головкин соңғы жекпе-жегін мексикалық Сауль Альвареспен өткізген болатын. Ал келесі додасы осы жылдың мамыр айына жоспарланып отыр.
Геннадий Головкин, кәсіпқой бокстан әлем чемпионы:
- Мен Қазақстанда туғаныма мақтанамын. Әрдайым айтып жүремін. Қарағанды жұрты менің еңбегімді бағалап, үлкен құрмет көрсетіп жатыр. Бұл маған шабыт, күш-қайрат береді. Жерлестерімді алдағы уақытта да үлкен жеңістермен қуантуға барымды саламын.
