Астанада өтіп жатқан ҚХЛ жұлдыздары матчын тамашалауға қазақстандық кәсіпқой боксшы Геннадий Головкин келді, деп хабарлайды.

WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің ҚХЛ жұлдыздары матчын тамашалап отырғаны камераға ілікті. Сәлден соң жарыс комментаторлары кәсіпқой боксшыны арнайы таныстырып өтті.

Еске сала кетсек, 11 қаңтардан бастап "Барыс Аренада" ҚХЛ хоккей жұлдыздары аптасы өтіп жатыр.