Құттықтаймыз!
Ағымдағы жылдың 15-20 шілде аралығында Ақтөбе қаласында Республикалық мемлекеттік қызметшілер арасында спартакиада аяқталған болатын.
Аталған жарыста қазақ күресі түрінен аймақ намысын қорғаған Қармақшы ауданы әкімі аппаратының ұйымдастыру және инспекторлық жұмыс бөлімінің бас инспекторы Шәпи Нұржан Арыстанұлы жүлделі ІІІ орын иегері атанып, жеңіс тұғырынан көрінді.
Айта кетейік, Нұржан Арыстанұлы 23 – маусым мемлекеттік қызметшілер күніне орай өткен облыс әкімінің жүлдесіне арналған дәстүрлі спартакиада ойындарында үздік атанып, Сыр өңірінің намысын қорғауға жолдама алған болатын.
