Жастарды жігерлендірген жарыс

«Qadam» Жастар ресурстық орталығы және Ақтөбе ауылдық округі әкімдігінің ұйымдастыруымен ауыл жастары арасында саламатты өмір салтын қалыптастыру және насихаттау мақсатында спартакиада өтті. Жастардың бос уақытын тиімді пайдалануда дене шынықтырудың маңызы зор.

Спартакиада соңында жеңімпаздарға арнайы сыйлық пен дипломдар табысталды. Өткен жылы аудан әкімінің қолдауымен ауыл жастарының «Теннис үйірмесі» жобасы қаржыландырылған болатын. Қазіргі таңда үйірме тұрақты түрде жұмыс істеуде.

Жиын ауылдық округтегі жас кәсіпкерлермен кездесумен жалғасты. Кәсіпкерлерге мемлекет тарапынан берілетін бағдарламалар мен түрлі қолдаулар туралы ақпарат берілді. Сондай-ақ ауылдың дамуына үлес қосып жүрген жас кәсіпкерлердің еңбегі үшін арнайы алғыс хаттар табысталды.