Қызылорда, қос алтын жүлде құтты болсын!
Тайланд мемлекетінің Бангкок қаласында бокстан 19-22 жас арасындағы Азия біріншілігі (U-22) өтуде.
Бүгін байрақты бәсекеде 54 келіде салмақта қолғап түйістірген Қызылорда қаласының жас былғары қолғап шебері Нұрсұлтан Алтынбек Филиппин боксшысы Флинт Джараны 5:0 есебімен жеңіп, Азия чемпионы атанды!
Айта кету керек, бәсекеге елімізден әр салмақ дәрежесі бойынша барлығы 13 қолғап шебері бақ сынасты. Оның ішінен Қазалының тумасы Гүлсая Ержан (81 келі салмақта) тайландтық қарсыласын жеңіп, әйелдер арасынан Азия чемпионы атанды.
