Ардагерлер арасында ашық турнир басталды
qarmaqshy-tany.kz АРДАГЕРЛЕР АРАСЫНДА ҰЙЫМДАСТЫРЫЛҒАН ЖАРЫСҚА ШЫМКЕНТ, ҚЫЗЫЛОРДА ҚАЛАЛАРЫНАН, ЖАЛАҒАШ, АРАЛ АУДАНДАРЫ ЖӘНЕ БАЙҚОҢЫР ҚАЛАСЫ АРДАГЕРЛЕРІНЕН ҚҰРАЛҒАН 10 КОМАНДА, 100-ГЕ ТАРТА ОЙЫНШЫЛАР ҚАТЫСТЫ.
Дәстүрлі түрде жыл сайын өткізілетін шараның ашылуына Байқоңыр қаласы әкімшілігінен және Басқарма өкілдері қатысып, ойыншыларға сәттілік тіледі.
Айта кету қажет, Байқоңыр қаласы ардагерлерінен құралған «Коммуналщик» командасы да аталған сайысқа тұрақты қатысуда. 2002 жылы құрылған командаға биыл 21 жыл толып отыр. Сондай-ақ, аталған команданың негізін қалаушы, Байқоңыр қалалық волейбол федерациясының президенті Бақыт Ақанұлының 60 жылдық мерейтойы да аталып, құттықтаулар жеткізілді.
Сонымен қатар, айтулы команданың мүшелеріне Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртайдың арнайы құттықтауы жеткізіліп, алғыс хаты табысталды.
"Қт" ақпарат
