Аудан әкімі Әділбек Ерсұлтанов жасөспірімдер арасында Әлем және Азия чемпионаттарында жеңіс тұғырынан көрініп, байрақты бәсекеде еліміздің намысын қорғаған ауданымыздың жас спортшыларымен кездесті.

Аудан басшысының кездесуінде Бразилия мемлекеті Кашиас ду Сул қаласында жазғы 24-ші сурдлимпиада ойындарында жерлесіміз Кульдеев Нұрсұлтан он сайыстан өткен жарыста 4 орын, найза лақтырудан 6 орын және диск лақтырудан 7 орынға ие болса, Ливан мемлекетінің Джуния қаласында жасөспірімдер арасында самбодан өткен Азия чемпионатында Рүстемова Әсемай 2 орын иеленді.

Сондай-ақ, Өзбекстан Республикасы, Самарқант қаласында жасөспірімдер арасында қол күрестен Азия біріншілігінде Төленді Нұрасыл жүлделі ІІІ орынға ие болды.

Биыл аудан спортшылары ҚР біріншіліктері мен чемпионаттарында 11- алтын, 5-күміс, 14 – қола медальды жеңіп алса, Әлем біріншілігінен 2 қола, Азия біріншілігінде 3- қола, Азия Кубогында 3- қола және Әлемдік Гран-при турнирінде 3- алтын, 3- қола медальды жеңіп алды.

Жас спортшылармен кездесуде

Әділбек Бөрібайұлы – «Әлем және Азия чемпионаттарында намысты қолдан бермей, аудан мерейін үстем етіп жүргендеріңіз үшін алғыс білдіремін. Алдағы уақытта да додаларда топ жарып, жеңіс тұғырынан көріне бересіздер деген сенімдемін. Жеңістеріңіз құтты болсын. Еліміздің көк Туы қашанда биіктей берсін», – деп жылы лебізін білдірді.

Сонымен қатар, спортшыларға алғыс хаттар мен естелік сыйлықтар табыс етіп, сый-құрмет көрсетілді.