«ҚАЙСАРДЫҢ» БАС БАПКЕРІ СТОЙЧО МЛАДЕНОВ ОРНЫН БОСАТТЫ
Болгариялық маман Стойчо Младенов «Қайсардың» бас бапкері қызметінен кетті, деп хабарлайды «SPORTINFORM» САА тілшісі.
Бүгін Қызылорда әкімдігінде облыстық клубтың басшылары мен бас бапкерінің тағдыры шешілді. Соңғы сүреңсіз ойындардың нәтижесінде команданың бас бапкері Стойчо Младеновты орнынан босату туралы шешім қабылданды. Бас директор Серік Досманбетов әзірге өз орнын сақтап қалды.Еске сала кетейік, болгариялық Стойчо Младенов 2016 жылдың соңында «Қайсар» командасын қабылдап алған еді. Младеновтың бапкерлігімен қызылордалықтар маусымды 6-шы орында аяқтаған еді.
