Футболдан Еуропа чемпионатының 1/8 кезеңі аяқталды. Соңғы ойын күні Англия – Германия және Швеция – Украина матчтары өтті.

Англия – Германия – 2:0 (0:0)
Голыдар Стерлинг 75 (1:0), Кейн 85 (2:0)
Жарыс фавориттерінің матчы қызық болуға міндетті еді. Англия да, Германия да әлемде көш бастаған командалар.
Алғашқы таймды бір бірін қарауылдаумен өткен матчта есеп ойынның екінші бөлігінде ашылды. 75 минутта Стерлинг есепті ашса, араға он минут салып Кейн есепті еселей түсті.
Швеция – Украина – 1:2. Қосымша уақыт (1:1, 0:0, 0:0, 0:1)
Голдар: Зинченко 27 (0:1), Форсберг 43 (1:1), Довбик 120+1 (1:2)
Өз тобынан үшінші орынмен шыққан Украина Швеция секілді қарымды қарсыласынан айласын асырды. Ойынның негізгі уақытында құрамалар тең тарқасты. Зинченконың соққан голына Форсберг жауап қатты.
Қосымша қосылған жарты сағатта құрамалар гол соқпайтындай көрінген. Өйткені соңғы минуттарға дейін есеп өзгермеді. Тек матч аяқталуына секундтар қалғанда Довбик жеңіс голын соғып, Украинаны ширек финалға алып шықты.
Осылайша, енді ширек финалда Швейцария мен Испания, Бельгия мен Италия, Чехия мен Дания, Украина мен Англия құрамалары бақ сынайды.